Hulda Birna


Ég heiti Hulda Birna Guðmundsdóttir og er fædd og uppalin í Reykjavík en hef verið búsett í Svíþjóð síðan árið 1993. Að loknu verslunarskólaprófi frá VÍ og stúdentsprófi frá MH lauk ég burtfararprófi frá tónfræðadeild Tónlistarskólans í Reykjavík og rekstrar- og viðskiptanámi frá Endurmenntunardeild HÍ. Í Svíþjóð stundaði ég nám við Huma Nova – Europeiska Psykosyntes-universitetet og hef ég starfað frá árinu 2000 sem samtalsráðgafi, handleiðari í sálgræðslu og coach. Ég er viðurkenndur coach eftir CIF-staðli og hef auk þess réttindi til að stunda djúpcoaching.

Ég var gift til fjölda ára og tvö af þremur börnum mínum eru nú uppkomin. Þau hafa öll víkkað sýn mína á sjálfa mig og lífið. Ég hef víðtæka reynslu af atvinnulífinu, m.a. í stjórnun og viðskiptum. Ég var framkvæmdastjóri hjá Heildverslun G. S. Júlíusson hf. og Sinfóníuhljómsveit æskunnar. Auk þess var ég um átta ára skeið starfsmanna- og fjármálastjóri í Norræna Genabankanum í Svíþjóð áður en ég kaus að breyta um starfsvettvang.  Reynsla mín bæði í einka- og atvinnulífi hefur komið mér vel í starfi sem samtalsráðgjafi og coach.

Hugleiðsla er kraftmikil aðferð til að ná innri kyrrð og hreinsa hugann. Gjörðu svo vel og prófaðu hugleiðsluna "Hof þagnarinnar".

TerapiCentret er með samtöl og námskeið fyrir einstaklinga og fyrirtæki.